Իսրայելական բանակի մամուլի ծառայությունը հայտնել է, որ երեք իսրայելցի զինվոր է սպանվել Եգիպտոսի հետ սահմանին տեղի ունեցած փոխհրաձգության ժամանակ։
Նշվում է, որ հարձակում գործած եգիպտոսցի ոստիկանը չեզոքացվել է։ Իսրայելի բանակը միջադեպի հետաքննություն է վարում Եգիպտոսի զինվորականների հետ համագործակցությամբ:
Հաղորդվում է, որ միջադեպը տեղի է ունեցել «Պարան» տարածաշրջանային բրիգադի պատասխանատվության գոտում։
