ՌԴ ՊՆ խաղաղապահ զորակազմի հրամանատարությունը տեղեկացրել է այսօր Լեռնային Ղարաբաղի տարածքում հրադադարի խախտման մասին: «Մարտակերտի շրջանում արձանագրվել է ադրբեջանական զինուժի կողմից հրադադարի պահպանման ռեժիմի մեկ խախտում, զոհեր և վիրավորներ չկան։ Ռուսական խաղաղապահ զորակազմի հրամանատարությունը ադրբեջանական և հայկական կողմերի հետ հետաքննություն է անցկացնում այս փաստի առնչությամբ»,- նշված է ՌԴ պաշտպանական գերատեսչության հաղորդագրության մեջ։
Միաժամանակ նշվում է, որ ռուս խաղաղապահները Ստեփանակերտ են հասցրել 292,5 տոննա մարդասիրական օգնություն:
