«Վագներ» մասնավոր ռազմական ընկերության հիմնադիր Եվգենի Պրիգոժինը հայտարարել է, որ դուրս է բերում իր ստորաբաժանումները Բախմուտից: Նրա խոսքով՝ իր զորքերը քաղաքն ամբողջությամբ կլքեն մինչև հունիսի 1-ը և այն կհանձնեն ՌԴ ԶՈՒ կանոնավոր ստորաբաժանումներին:
Ռուսաստանի պաշտպանության նախարարությունը մայիսի 21-ին հայտարարել էր, որ ռուսական զորքերը լիովին վերահսկում են Բախմուտ քաղաքը: ՌԴ նախագահ Վլադիմիր Պուտինը շնորհավորել էր «Վագներ» մասնավոր ռազմական ընկերության մարտիկներին և ռուս զինվորականներին:
Ուկրաինայի Զինված ուժերի Արևելյան խմբավորումը ավելի վաղ հայտնել էր Բախմուտում խնդրահարույց իրավիճակի մասին: Նշվում էր, որ ուժերը շարունակում են վերահսկել բնակավայրի փոքր հատվածը, որից պետք է դուրս գան։
