Սաուդյան Արաբիայի առաջին կին տիեզերագնաց Ռայանա Բառնավին մասնավոր առաքելության շրջանակում տիեզերք է թռել մեկ այլ սաուդցի՝ Ալի ալ Կարնիի, ՆԱՍԱ-ի նախկին տիեզերագնաց Փեգի Ուիթսոնի և ավտոարշավորդ Ջոն Շոֆների հետ: Կրծքագեղձի քաղցկեղի հետազոտող Բառնավին միջազգային տիեզերակայանում մի շարք փորձեր կանցկացնի:
Կոմերցիոն այս առաքելությունը կազմակերպել է մասնավոր տիեզերական Axiom Space ընկերությունը: SpaceX Falcon 9 հրթիռակիրը կիրակի երեկոյան Crew Dragon տիեզերանավը բարեհաջող արձակել է Ֆլորիդայի Կանավերալ հրվանդանից: Անձնակազմը մեկ շաբաթ կանցկացնի միջազգային տիեզերակայանում:
