Իրանի վիճակագրական կենտրոնի տնօրեն Ալի Աքբար Մահզունը հայտնել է, որ երկրի բնակչությունը հատել է 85 միլիոնի սահմանը, գրում է radiogoftogoo.ir-ը։
«Իրանի բնակչության մոտ 24 տոկոսը մինչև 15 տարեկան երեխաներն են, 25 տոկոսը՝ 15-29 տարեկան երիտասարդները, 44 տոկոսը՝ միջին տարիքի մարդիկ, մնացածը՝ 65 տարեկանից բարձր։ Իրանում կյանքի միջին տևողությունը 74 տարի է, իսկ գրագիտության մակարդակը հասել է 87,6 տոկոսի։ Ամուսնության միջին տարիքը տղամարդկանց համար 24-ն է, կանանց համար՝ 23-ը»,- նշել է Մահզունը։
