Իսրայելի նախագահ Իցհակ Հերցոգը նախատեսում է մայիսի վերջին այցելել Ադրբեջան՝ լրատվամիջոցներին հայտնել է Թել Ավիվում Ադրբեջանի դեսպան Մուխթար Մամեդովը:
Ավելի վաղ՝ Մամեդովի հետ հանդիպման ժամանակ, Հերցոգը հայտարարել էր Ադրբեջան այցելելու իր մտադրության մասին: Ապրիլի կեսերին էլ ներկայացուցչական կազմով Բաքվում էր Իսրայելի ԱԳ նախարար Էլի Քոհենը, որը հանդիպումներ անցկացրեց նախագահ Իլհամ Ալիևի, ԱԳ նախարար Ջեյհուն Բայրամովի և այլ պաշտոնյաների հետ։
