ԱՄՆ-ը առնչություն չունի Կրեմլի վրա անօդաչուների հարձակումներին և չունի տվյալներ, թե ով է կանգնած այդ հարձակումների հետևում: Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին:
CNN հեռուստաալիքի եթերում նա նշել է, որ ծիծաղելի է համարում Ռուսաստանում հնչած հայտարարությունները Կրեմլի վրա հարձակումներին Վաշինգտոնի ենթադրյալ ներգրավվածության մասին:
Ավելի վաղ ՌԴ նախագահի մամուլի խոսնակ Դմիտրի Պեսկովը նշել էր, որ հարվածների համար թե՛ միջոցները, թե՛ թիրախները Կիևը ընտրում է Վաշինգտոնի թելադրանքով:
