Ղազախստանի երկաթուղիների ղեկավարությունը մայիսի 8-ից կարգելի նավթի և նավթամթերքի տեղափոխումը Ռուսաստանի Սևծովյան Թամանյան թերակղզու նավահանգիստ: Այս մասին հայտնում է Reuters գործակալությունը՝ վկայակոչելով համապատասխան կարգադրությունը։ Հրամանը հասցեագրված է տրանսպորտային ընկերություններին, արգելքի պատճառները չեն նշվում։
«Ռուսական երկաթուղիներ» ընկերությունը նույնպես դադարեցրել է նավթի տեղափոխումը Տաման: «Ռուսական երկաթուղիների» փաստաթղթում պատճառները նույնպես նշված չեն, սակայն որոշումը կայացվել է Թամանի նավթապահեստարանի ջրամբարներից մեկում բռնկված հրդեհից անմիջապես հետո: Ենթադրվում է, որ հրդեհի պատճառը եղել է անօդաչուի հարձակումը։
Կրասնոդարի երկրամասի Թաման քաղաքն ու նավահանգիստը էներգակիրների առաքման համար կարևոր տրանսպորտային հանգույցներից են։
