Հայաստանը դրական է տրամադրված ռուսակա՞ն, թե՞ եվրոպական կամ ամերիկյան հովանու ներքո բանակցություններին: Արտգործնախարարների համատեղ ասուլիսի ժամանակ հարցին պատասխանեց ՀՀ ԱԳ նախարար Արարատ Միրզոյանը:
«Մենք հարթակների միջև տարբերություն չենք դնում: Խաղաղության գործընթացը մեկն է, և բանակցություններն էլ, ըստ էության, ընթանում են միևնույն խաղաղության պայմանագրի նախագծի, դրա հիմնադրույթների շուրջ:
Մենք շնորհակալ ենք բոլոր մայրաքաղաքներին, որոնք հարթակ են տրամադրում, փորձում են կամրջող դեր խաղալ այս գործընթացում, բայց Հայաստանի համար առնվազն հարցը էդպես չի դրվել՝ բանակցել Մոսկվայո՞ւմ, Վաշինգտոնո՞ւմ, թե՞ Բրյուսելում:
Կրկնում եմ՝ բանակցությունները մեկն են, նույնն են»,- ասաց նա:
Հեղինակ՝ Լուսինե Մուրադյան
