Հայաստանում Իսրայելի դեսպան Յոել Լիոնը Հայոց ցեղասպանության 108-րդ տարելիցի կապակցությամբ իր համերաշխությունն է հայտնել հայ ժողովրդին:
«Այսօր խորհելով անցյալ դարում հայ ժողովրդի վերապրած վայրագությունների մասին, որպես Հայաստանում Իսրայելի դեսպան, որպես հրեա, ուզում եմ հավաստիացնել ձեզ, որ զգում եմ ձեր ցավը և հասկանում ձեր տառապանքները: Օրհնյալ լինի զոհերի հիշատակը»,- Twitter-ի իր միկրոբլոգում գրել է դեսպանը։
Հիշեցնենք, որ Իսրայելը պաշտոնապես չի ճանաչել Հայոց ցեղասպանությունը։
