Հայոց Ցեղասպանութենէն 108 տարի անց լիբանանահայութիւնը կ'ոգեկոչէ Մեծ Եղեռնի նահատակներու յիշատակը Անթիլիասի մայրավանքին մէջ։
Կազմակերպութեամբ Լիբանանի հայ քաղաքական երեք կուսակցութիւններուն` Հայ Յեղափոխական Դաշնակցութեան, Սոցիալ Դեմոկրատ Հնչակեան կուսակցութեան և Ռամկավար Ազատական Կուսակցութեան Անթիլիասի Մայրավանքին մէջ տեղի ունեցաւ Հայոց Ցեղասպանութեան 108 տարելիցի նշում։ Ներկայ էին Լիբանանի մէջ Հայաստանի Հանրապետութեան դեսպանը, նախկին և ներկայ երեսփոխաններ, նախարարներ, հոգևոր հայրեր, միութիւններու և կուսակցութիւններու ներկայացուցիչներ և հոծ բազմութիւն։
Ավետիս Կիտանյան (Լիբանանի զբոսաշրջության նախկին նախարար) - Կ'երևի այսօր ամենէն նշանակալի պատգամը այն է, որ անգամ մը եւս մենք ունինք շատ վտանգաւոր կացութիւն Արցախի մէջ, և այսօրուան ազերիական անցակէտը որ զետեղուեցաւ Լաչինի ճամբուն վրայ, կ'ենթադրեմ մեզի աւելի լուրջ մարտահրաւէրի առջև կը դնէ 108 ամեակի այս ոգեկոչումը քիչ մը աւելի ամրապնդուած տօնելու և անգամ մը եւս ըսելու որ լրջօրէն խնդիր ունինք աշխարհով մէկ հայութիւնը Հայաստան, Արցախ և սփիւռքի մէջ և անգամ մը եւս պէտք է բոլորով միասին կանգնինք իրար կողքին, մեր տարբերութիւնները մէկ կողմ դնենք, որպէսզի կարողանանք յաջողցնել ինչ որ պէտք է։
Խօսքերով հանդէս եկան երեք կուսակցութիւններու ներկայացուցիչներ Վիգէն Աւագեան, Լևոն Բարսեղեան և Տիգրան Միհրանեան։ Անոնք շեշտեցին, որ Հայոց ցեղասպանութենէն 108 տարի անց Թուրքը տակաւին մնացած է անպատիժ։
Տիգրան Միհրանյան (Սոցիալ-դեմոկրատ Հնչակյան կուսակցության ներկայացուցիչ) - Այսօր անգամ մը եւս հաւաքուած ենք լիբանանահայութիւնը միասնական մէկ բռունցքով վերյիշելու և ոգեկոչելու ցեղասպանութեան նահատակները: Հակառակ մեր դժուարին պայմաններուն և բոլոր դժուարութիւններուն և բոլոր աշխարհասփիւռ հայութեան կոչ կ'ուղղենք, որ այս օրը ամէն տարի միշտ միակամ կերպով, մէկ բռունցքով յիշենք և մենք մեր պահանջքը աշխարհին ներկայացնենք։
Լիբանանահայութիւնը յարգանքի տուրք մատուցեց իր նախնիներուն, խոնարհեցաւ անոնց յիշատակին առջև և յիշեցուց համայն աշխարհին, որ աննկուն կամքով պիտի շարունակէ իր պահանջատիրական երթը։
Թորոս Հելվաճյան - Մենք պահանջատէր ժողովուրդ ենք և մեր պահանջատիրութիւնը միայն ապրիլ 24ի վրայ հիմնուած չէ։ Մեր պահանջատիրութիւնը 365 օր է մինչև այս ատեն, որ մեր բոլոր իրաւունքները խլուած են, մենք միշտ պատրաստ ենք պահանջելու, յիշելու և յիշեցնելու։
Միսակ Գանտահարյան - Այսօր այստեղ հաւաքուած ենք բոլոր լիբանանահայութեամբ անգամ մը եւս չենք մոռնար մեր յարգանքի տուրքը մատուցելու, բայց նաև յիշեցնելու բոլոր աշխարհին ոչ թէ միայն որոշ երկրի մը, մանաւանդ ցեղասպան թուրքին, որ տակաւին հայ ժողովուրդը այստեղ է հաւաքուած է, միասին է, թող չի կարծեն, որ բաժնուած ենք այսօր երեք կուսակցութիւններու անունով է, որ մենք այսօր հաւաքուած ենք։
Ն.Ս.Օ.Տ.Տ Արամ Ա. Կաթողիկոս իր հայրապետական պատգամին մէջ շեշտեց որ ճակատագրական է ներկայ հանգրուանը մեր ազգի պատմութեան մութ ամպերով ծածկուած է երկնակամարը հայ կեանքի, անորոշ է Հայաստանին ու Արցախին առջև բացուած հորիզոնը։ Որպէս ազգ կոչուած ենք խոհեմութեամբ դիմագրաւել մեզ շրջապատող բազմազան և այլազան տագնապները ներքին թէ արտաքին։
Ոգեկոչման միջոցառումներու ընթացքին գեղարուեստական բաժնով ելոյթ ունեցան մեներգով` Կասիա Շատարևեանը, ասմունքով Անի Եփրեմեանը։ Յայտագրի աւարտին հայրենասիրական երգերով իր մասնակցութիւնը բերաւ Կաթողիկոսարանի Շնորհալի Երգչախումբը։
Հեղինակ՝ Փաթիլ Մկրտիչեան