Այս օրերին մեր երկրում մարզական գլխավոր միջոցառումը, իհարկե, Ծանրամարտի Եվրոպայի առաջնությունն է, գլխավոր սկանդալը՝ Հայաստանի քաղաքացու կողմից ադրբեջանական դրոշի այրումն ու Բաքվի՝ մարզիկներին հետ կանչելու որոշումը: Մրցելույթները կշարունակվեն մինչև ապրիլի 23-ը ու դրանց վերաբերյալ նորություններին կարող եք ծանոթանալ մեր եթերներում, իսկ մինչև այդ խոսենք ամենամասայական սպորտաձևը մեր երկրում զարգացնելու հեռանկարների մասին:
Համահայկական երիտասարդական ֆուտբոլային ասոցիացիան մեր հայրենակից պատանիներին հնարավորություն է տալիս ԱՄՆ-ից Հայաստան տեղափոխվել ու մարզական լավ որակներ դրսևորելու դեպքում ընդգրկվել պատանեկան հավաքականում: Առայժմ ծրագիրը միայն ԱՄՆ-ի համար է գործում, բայց նպատակ կա լավագույնների ընտրություն կատարել հայաշատ այլ երկրներում ևս:
Հեղինակ՝ Նորայր Շողիկյան
