ԱՄՆ նախագահ Բայդենը հայտարարել է նախագահի արվեստի և հումանիտար հարցերի կոմիտեում նշանակումների մասին: Կոմիտեի համանախագահներ են նշանակվել Բրյուս Քոհենը՝ «Օսկարի» մրցանակակիր, կինոյի, թատրոնի, հեռուստատեսության պրոդյուսեր, Լեդի Գագան՝ մրցանակակիր երգչուհի, երգահան, դերասանուհի և բարերար:
Հանձնաժողովի կազմում ընդգրկվել են Ջոն Բատիստը՝ պատմության ամենափայլուն, բեղմնավոր և կայացած երաժիշտներից մեկը, Կոնստանս Քալորը՝ Կալիֆոռնիայի համայնքային քոլեջների բակալավրիատի ասոցիացիայի նախագահը, Ջորջ Քլունին՝ դերասան, կինոռեժիսոր, «Օսկարի» և հինգ «Ոսկե գլոբուսի» մրցանակակիր, և ևս 10 հոգի:
Նախագահի արվեստների և հումանիտար գիտությունների կոմիտեն հիմնադրվել է 1982 թվականին՝ նախագահին մշակութային քաղաքականության վերաբերյալ խորհրդատվություն տրամադրելու նպատակով: ԱՄՆ առաջին տիկինը պատմականորեն եղել է հանձնաժողովի պատվավոր նախագահը, որը կազմված է նախագահի նշանակած անդամներից՝ նշանավոր արվեստագետներ, գիտնականներ և բարերարներ, որոնք լուրջ նվիրվածություն են ցուցաբերել արվեստին և հումանիտար գիտություններին:
Հանձնաժողովը խորհուրդ է տալիս նախագահին և ԱՄՆ մշակութային գերատեսչությունների ղեկավարներին քաղաքականության, բարեգործական և մասնավոր հատվածի ներգրավվածության ու այլ ջանքերի վերաբերյալ, որոնք ուղղված են արվեստի, հումանիտար գիտությունների, թանգարանային և գրադարանային ծառայությունների դաշնային աջակցության բարձրացմանը:
