Հռոմի Ֆրանցիսկոս Պապն առաջարկել է ապրիլի 9-ից երկշաբաթյա զինադադար հաստատել Ուկրաինայի պատերազմական գոտում և Ռուսաստանի նոր շրջաններում՝ կաթոլիկների և ուղղափառների Սուրբ Զատկի և դրա հետ կապված տոնակատարությունների ժամանակ։ Այդ մասին ուրբաթ ՏԱՍՍ-ին հայտնել է Հնադավանների համաշխարհային միության նախագահ Լեոնիդ Սևաստյանովը՝ վկայակոչելով հովվապետի հետ ունեցած անձնական զրույցը։
Նա նշել է, որ Կաթոլիկ Եկեղեցու առաջնորդի համար այդ թեման շատ կարևոր է, և նա անձամբ խնդրել է իր անունից տարածել այդ հայտարարությունը: Կաթոլիկ Եկեղեցին այս տարի Զատիկը նշում է առաջիկա կիրակի՝ ապրիլի 9-ին, ուղղափառ քրիստոնյաներն այն նշում են մեկ շաբաթ անց՝ ապրիլի 16-ին:
ՌԴ նախագահի մամուլի քարտուղար Դմիտրի Պեսկով հայտնել է, որ չեն տեսել Վատիկանի պաշտոնական հայտարարությունը՝ Ուկրաինայում Զատկի տոնին զինադադար հայտարարելու առաջարկով, այդ պատճառով էլ չեն մեկնաբանել լրատվամիջոցների տեղեկություններն այդ մասին:
