Եվրասիական տնտեսական միության անդամ երկրներն ակտիվորեն ավելացնում են իրենց ապրանքաշրջանառությունը, միայն անցած տարի այն աճել է 15%-ով՝ մոտ 80 միլիարդ դոլարով։ Այս մասին հայտարարել է ՌԴ վարչապետ Միխայիլ Միշուստինը՝ Պետդումայի պատգամավորների հետ հանդիպմանը։ Միշուստինն ուշադրություն է հրավիրել այն փաստի վրա, որ անցյալ տարի միայն Հայաստանի հետ առևտուրն աճել է 83 տոկոսով։
Նա ասել է, որ հունիսին ԵԱՏՄ և ԱՊՀ երկրների կառավարությունների ղեկավարները հանդիպումներ կունենան Սոչիում, որտեղ «մանրամասն կխոսեն ապագայի մասին»։ «Մենք կմտածենք համատեղ նախագծերի մասին, առաջին հերթին դրանք վերաբերում են արդյունաբերական և տնտեսական համագործակցությանը, բնակավայրերի համար ֆինանսական ենթակառուցվածքների կառուցման հետ կապված խնդիրներին, տնտեսական ինքնիշխանության հարցերին, այս ամենը մեր օրակարգում է»,- ասել է ՌԴ վարչապետը։
