Ապրիլի 3-ին Ադրբեջանի նախագահ Իլհամ Ալիևն ընդունել է թուրքական «Բայքար» ընկերության տեխնիկական տնօրեն Սելջուկ Բայրաքթարին։ Այդ մասին տեղեկությունը տարածել է նախագահի մամուլի ծառայությունը։
Ալիևն ասել է, որ Թուրքիայի պաշտպանական արդյունաբերությունը վերջին տարիներին հասել է մեծ հաջողությունների և ընդգծել, որ այս առումով «Բայքար» ընկերության գործունեությունը առաջատար դեր է խաղում:
Զրույցի ընթացքում կողմերը նշել են, որ Ադրբեջանի և Թուրքիայի միջև բարեկամական և եղբայրական հարաբերությունները հաջողությամբ զարգանում են բոլոր ոլորտներում, այդ թվում՝ ռազմական և պաշտպանական արդյունաբերության ոլորտում, տեղի է ունեցել մտքերի փոխանակություն համագործակցության հեռանկարների շուրջ։
