ՆԳՆ ՓԾ Արագածոտնի մարզային փրկարարական վարչության Ապարանի և Թալինի հրշեջ-փրկարարական ջոկատների ծառայողներն Ապարան քաղաքի ավագ և Դաշտադեմ գյուղի Գ․ Բաղդասարյանի անվան միջնակարգ դպրոցներում իրականացրել են «Հրդեհաշիջում, տարհանում և առաջին բժշկական օգնության կազմակերպումը ուսումնական հաստատություններում» թեմայով հատուկ տակտիկական ուսումնավարժություններ։
Ուսումնավարժությունների շրջանակներում կատարվել են դպրոցների անձնակազմերի տարհանում, տուժածների հայտնաբերում և առաջին բժշկական օգնության ցուցաբերում:
Հերթափոխերի պետերի հանձնարարությամբ օղակի հրամանատարների և կապավորների միջոցով իրականացվել է հրդեհի վայրի հետախուզություն՝ հրդեհի բռնկման վայրի, դյուրավառ նյութերի և լարման տակ գտնվող էլեկտրասարքավորումների առկայության ճշգրտման համար։
Ուսումնավարժությունների ավարտին կատարվել են արդյունքների ամփոփում և կատարողականի գնահատում։
