Ըստ ոստիկանության օպերատիվ հաղորդագրությունների ամփոփագրերի՝ մարտի 22-23-ը Հայաստանի Հանրապետության ոստիկանության ստորաբաժանումները բացահայտել են հանցագործության 88 դեպք, որոնցից 5-ը՝ նախկինում կատարված։
Մասնավորապես՝ թմրամիջոցի հայտնաբերման՝ 24, անձնական ունեցվածքի գողության` 13, խարդախության՝ 8, ֆիզիկական ներգործության՝ 6, մարմնական վնասվածք պատճառելու՝ 5, հոգեկան ներգործության և թմրամիջոցների, հոգեմետ նյութերի, դրանց պատրաստուկների, դրանց համարժեք նյութերի կամ դրանց ածանցյալների, կամ դրանց պրեկուրսորների մաքսանենգության՝ 4-ական, ավազակության, վստահված գույքը հափշտակելու և զենք-զինաթերքի առգրավման՝ 3-ական, գույքը ոչնչացնելու կամ վնասելու՝ 2, մարդու առևանգման, սեքսուալ բնույթի բռնի գործողությունների, կողոպուտի, բնակարանային գողության, խուլիգանության, կաշառակերության, պաշտոնեական լիազորությունները չարաշահելու և 16 տարին չլրացած անձի նկատմամբ սեքսուալ բնույթի բռնի գործողությունների՝ 1-ական դեպք։
Հայտնաբերվել է 3 հետախուզվող։ Կամավոր ներկայացել է 2 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է անձնական ունեցվածքի գողության 5 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 5 պատահար. 6 մարդ ստացել է տարբեր աստիճանի մարմնական վնասվածքներ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
