Ազգային ժողովը երկրորդ ընթերցմամբ և ամբողջությամբ ընդունեց «Տեսալսողական մեդիայի մասին» օրենքում փոփոխություն և լրացում կատարելու մասին նախագիծը:
Նախագծով միասնական կիրառություն է սահմանվում հանրային մուլտիպլեքսում ներառված բոլոր տեսալսողական ծրագրերի հեռարձակման հերթականության համար` անկախ սփռման տարածքից, օպերատորից և հեռարձակողից:
Նախաձեռնության հեղինակներն են պատգամավորներ Սիսակ Գաբրիելյանը, Նարեկ Բաբայանը և Հակոբ Ասլանյանը:
Հեռուստաընկերությունների իրավունքների պաշտպանությանը և ՀՀ քաղաքացիների` տեղեկատվություն ստանալու իրավունքի ապահովմանն է ուղղված պատգամավոր Սիսակ Գաբրիելյանի հեղինակած ««Տեսալսողական մեդիայի մասին» օրենքում լրացումներ կատարելու մասին» նախագիծը:
