Բելառուսի նախագահ Ալեքսանդր Լուկաշենկոն օրենք է ստորագրել, որով հնարավոր է դառնում մահապատիժ կիրառել պետական պաշտոն զբաղեցնող անձանց և զինվորականների նկատմամբ՝ պետական դավաճանության համար: Բելառուսի նախագահի կայքը հաղորդել է՝ միջոցառման նպատակն է ուժեղացնել հակազդեցությունը ծայրահեղականությանն ու հակապետական գործունեությանը:
Օրենսգրքում նոր փոփոխությունների համաձայն՝ Բելառուսը քրեական պատասխանատվություն է սահմանում ահաբեկչության խթանման, երկրի զինված ուժերի վարկաբեկման և պետական գաղտնիքի պաշտպանության պահանջները խախտելու համար։ Սակայն այն անձինք, որոնք պատրաստվում էին հարձակվել միջազգային պաշտպանություն ստացող հաստատությունների վրա կամ դիվերսիա իրականացնել, բայց հրաժարվել են իրենց մտադրություններից և նպաստել միջադեպի կանխմանը, ազատվում են քրեական պատասխանատվությունից։
Բելառուսը միակ երկիրն է Եվրոպայում և ԱՊՀ-ում, որը մահապատիժ է կիրառելու։ Բելառուսի օրենսդրության համաձայն՝ օրենքը չի կիրառվելու կանանց, 18 տարեկանից ցածր անձանց և 65 տարեկանից բարձր տղամարդկանց նկատմամբ:
