Ռուսաստանի նկատմամբ Մոլդովայի կուրսը դժվար թե փոխվի նոր կառավարության օրոք։ Նման կարծիք է հայտնել ՌԴ ԱԳՆ պաշտոնական ներկայացուցիչ Մարիա Զախարովան: Նա նշել է, որ Մոսկվան ուշադիր հետևել է Մոլդովայի նոր կառավարության ձևավորմանը։
Զախարովան ուշադրություն է հրավիրել այն բանի վրա, որ այդ գործընթացն ուղեկցվել է, նրա խոսքով, Մոլդովայի իշխանությունների կողմից հակառուսական հռետորաբանության սրմամբ։
Նա հավելել է, որ Մոլդովայի նոր կառավարությունը հնից չի տարբերվում ՌԴ-ի հետ հարաբերությունների վերաբերյալ տեսակետներով, քանի որ նրա կազմը գործնականում չի փոխվել:
