Ադրբեջանի խորհրդարանի խոսնակ Սահիբա Գաֆարովան հայտարարել է, որ դեմ է հայ-ադրբեջանական սահմանին ԵՄ դիտորդական առաքելության տեղակայմանը, համոզված, որ այն կխանգարի Հայաստան-Ադրբեջան կարգավորման գործընթացին, հետևաբար դրանից հարկավոր է խուսափել: Նա նշել է, որ իր այդ դիրքորոշումը հայտնել է նաև Ռուսաստանում անցկացրած հանդիպումների ժամանակ:
Մոսկվայում Գաֆարովայի հետ հանդիպման ժամանակ Ռուսաստանի Պետդումայի խոսնակ Վյաչեսլավ Վոլոդինն էլ իր հերթին համոզմունք է հայտնել, որ եվրոպական կառույցների, մասնավորապես՝ «Եվրախորհրդարանի և ԵԽԽՎ-ի դերակատարումը ղարաբաղյան հակամարտության կարգավորման հարցում կարող է նոր խնդիրներ առաջացնել»:
