ՀՀ փոխվարչապետ Մհեր Գրիգորյանն ընդունել է Համաշխարհային բանկի (ՀԲ) Հարավային Կովկասի տարածաշրջանային տնօրեն Սեբաստիան Մոլինեուսին: Հանդիպմանը ներկա էր նաև ՀԲ հայաստանյան գրասենյակի տնօրեն Կարոլին Գեգինատը:
Հանդիպման ընթացքում քննարկվել են ՀԲ հետ համատեղ իրականացվող ծրագրերի ընթացքն ու համագործակցության հնարավոր նոր ուղղությունները: Մտքեր են փոխանակվել, մասնավորապես, էներգետիկայի, առողջապահության և կապիտալի շուկայի զարգացման ոլորտում:
Անդրադարձ է կատարվել նաև տարածաշրջանային զարգացումներին և Հայաստանի մակրոտնտեսական իրավիճակի բարելավման ու կայունության հեռանկարներին:
