Ուկրաինական պատվիրակությունը մտադիր է անտեսել Եվրոպայում անվտանգության և համագործակցության կազմակերպության խորհրդարանական վեհաժողովի (ԵԱՀԿ ԽՎ) փետրվարի 23-ին և 24-ին նախատեսված նիստը, եթե դրան մասնակցեն Ռուսաստանի Դաշնության ներկայացուցիչները, և առաջարկել է հետաձգել վեհաժողովի ձմեռային նստաշրջանը։ Այս մասին չորեքշաբթի հայտնել է Austria Presse Agentur-ը՝ վկայակոչելով ԵԱՀԿ ԽՎ-ում ուկրաինական պատվիրակության ղեկավար Նիկիտա Պոտուրաևի նամակը Վեհաժողովի նախագահ Մարգարետ Սեդերֆելտին։
Փետրվարի 23-24-ը Վիեննայում տեղի կունենա ԵԱՀԿ խորհրդարանական վեհաժողովի 22-րդ ձմեռային հանդիպումը։ Գլխավոր թեման Ուկրաինայի հակամարտությունն է։ ԵԱՀԿ ԽՎ աշնանային նստաշրջանը տեղի է ունեցել 2022 թվականի նոյեմբերի 24-26-ը Վարշավայում։ Այն ժամանակ ռուսական պատվիրակությունը չկարողացավ ամբողջությամբ մասնակցել նստաշրջանին՝ Վարշավայի՝ մուտքի վիզաների մերժման պատճառով։
Այս տարի Ավստրիայի ԱԳՆ-ն պարզաբանել է, որ երկիրը միջազգային իրավունքի համաձայն պարտավոր է վիզաներ տրամադրել ԵԱՀԿ միջոցառումների մասնակիցներին։ Ընդ որում, Ռուսաստանի պատվիրակության անդամներին տրված վիզաները կգործեն միայն Ավստրիայի տարածքում և միայն ԽՎ ձմեռային նստաշրջանի ընթացքում։
