Ճապոնական Mitsubishi Heavy Industries ընկերությունը նոր հետախուզական արբանյակով իրականացրել է H-2A հրթիռի արձակումը, որը նախատեսված է նաև ԿԺԴՀ-ի հրթիռային արձակումներին հետևելու համար:
Radar 7 անվանումով սարքը պետք է մտնի արդեն գոյություն ունեցող ութ հետախուզական արբանյակներից բաղկացած խմբավորման կազմի մեջ։
Ճապոնիան հետախուզական արբանյակների արձակման պետական ծրագիրը նախաձեռնել էր 1998 թ., երբ ԿԺԴՀ-ն գործարկեց Taphodon 1 հրթիռը: Այդ ժամանակից ի վեր ծրագրի շրջանակներում գործարկվել են ավելի քան 15 տարբեր արբանյակներ, որոնց մի մասն այլևս չի օգտագործվում շահագործման ժամկետի ավարտի պատճառով:
