Ռուսաստանի նախագահի օգնական, Պետական խորհրդի քարտուղար Իգոր Լևիտինը ժամանել է Իրանի մայրաքաղաք Թեհրան՝ հայտնել է IRNA գործակալությունը։
Նշվում է, որ Լևիտինը հանդիպել է Իսլամական Հանրապետության Ազգային անվտանգության բարձրագույն խորհրդի քարտուղար Ալի Շամխանիի հետ։
ISNA գործակալության տվյալով՝ պաշտոնյաները քննարկել են տնտեսության, տարանցման, էներգետիկ ոլորտներում համագործակցության զարգացման հարցեր, ընդգծվել է Ռաշթ-Ասթարա երկաթուղու կառուցման առաջնահերթությունը:
