Չորեքշաբթի Ստամբուլի «Սաբիհա Գյոքչեն» միջազգային օդանավակայանում անվտանգության նկատառումներով թռիչքները ժամանակավորապես դադարեցվել են գազատարից գազի արտահոսքի պատճառով, հայտնում է Anadolu-ն։
Գործակալության տվյալներով՝ Թուզլա գյուղից դեպի Թեփեորեն ձգվող գազատարի վրա աշխատանքի ընթացքում խողովակ է վնասվել, տեղի է ունեցել արտահոսք։
Արդյունքում, օդանավակայանից թռիչքները դադարեցվել են, վայրէջք կատարող ինքնաթիռները ուղղվել են Ստամբուլի նոր միջազգային օդանավակայան։
Ավելի ուշ աղբյուրները հայտնել են, որ ինքնաթիռներն սկսել են օդ բարձրանալ ու վայրէջք կատարել «Սաբիհա Գյոքչեն» օդանավակայանում։
