Ուկրաինայի նախագահ Վոլոդիմիր Զելենսկին անդրադարձել է երկրում ռազմական գործողությունների ընթացքին: Նրա խոսքով՝ ամենաբարդ իրավիճակը Խերսոնում և Դոնբասում է:
Ուկրաինական կողմի տվյալով՝ ռուսական բանակն իր ուժերը կենտրոնացրել է Բախմուտի ուղղությամբ, սակայն քաղաքի նկատմամբ վերահսկողություն հաստատելու փորձերը ձախողվում են: Ուկրաինայի նախագահը նաև նշել է, որ երկրում մոտ 9 միլիոն մարդ չունի էլեկտրաէներգիա, սակայն էներգահամակարգն աստիճանաբար վերականգնվում է:
«Ուկրէներգո» ազգային էներգետիկ ընկերությունից էլ տեղեկացրել են, որ չնայած էլեկտրամատակարարման հետ կապված խնդիրներն աստիճանաբար վերացվում են՝ առկա հզորությունը բավարար չէ երկրի բոլոր բնակիչների կարիքները հոգալու համար։
Ուկրաինայի իշխանությունների տվյալով՝ ռուսական հարվածների հետևանքով երկրի էներգետիկ ենթակառուցվածքների 50 %-ը ոչնչացվել է։
