Վիճակագրական կոմիտեն հրապարակել է 11 ամսվա մակրոտնտեսական ցուցանիշները: Հունվար-նոյեմբերին Հայաստանի տնտեսական ակտիվության ցուցանիշը աճել է 14.4 տոկոսով: Ամենաբարձր աճը դարձյալ արտաքին առևտրաշրջանառության ոլորտում է՝ 67.8 տոկոս, արտահանումը աճել է 75.2, իսկ ներմուծումը՝ 63.6 տոկոսով:
Ծառայությունների ծավալը աճել է 28.2 տոկոսով, շինարարությանը՝ 13.9, առևտրի շրջանառությունը՝ 16.2, արդյունաբերական արտադրանքի ծավալը՝ 8.4 տոկոսով, իսկ էլեկտրաէներգիայի արտադրությունը`16.8 տոկոսով:
Սպառողական գնաճը կազմել է 8.7, իսկ արդյունաբերական արտադրանքի գնաճը՝ 2.9 տոկոս:
Հեղինակ՝ Նիկոլայ Ավետիսյան
