Արցախը Հայաստանին կապող միակ ճանապարհը Ադրբեջանի կողմից արգելափակելու պատճառով ԱՀ առողջապահության նախարարության «Արևիկ» բուժմիավորումում «ընդերային լեյշմանիոզ» ախտորոշմամբ 4 ամսական երեխան օրեր շարունակ գտնվում է ծանր վիճակում՝ տեղի բժիշկների վերահսկողության տակ։
Կարմիր Խաչի միջազգային կոմիտեի միջնորդությամբ և ուղեկցությամբ այսօր երեխան տեղափոխվել է ՀՀ մասնագիտացված բժշկական կենտրոն։
«Լուրեր»-ին պատվիրակության հաղորդակցման ծրագրերի ղեկավար Զառա Ամատունին հայտնել է, որ հնարավորության դեպքում պատրաստ են կազմակերպել նաև հրատապ բուժօգնության կարիք ունեցող մյուս հիվանդների տեղափոխումը: Կարմիր Խաչի միջազգային կոմիտեն, կողմերի համաձայնությամբ, նաև որոշակի քանակությամբ դեղորայք կտեղափոխի Արցախ:
