Գերմանիայի ոստիկանությունը կանխել է պետական հեղաշրջումը, որը ծրագրել էին իրականացնել աջ ծայրահեղականները։ Bild պարբերականի տեղեկություններով՝ նրանք մտադիր են եղել գրոհել Բունդեսթագը։
Գերմանիայի հատուկ ծառայություններն ու ոստիկանությունը խուզարկել են 52 կասկածյալի պատկանող 137 օբյեկտ, ձերբակալվել է 25 մարդ:
Պարբերականի տեղեկություններով՝ գաղտնի դաշինքի նպատակն էր իշխանության բռնի տապալումը, գործող իշխանության «վերին շերտի մաքրումը»: Իսկ նոր կառավարական ապարատը պետք է ստեղծվեր միապետության սկզբունքներով և բաժանվեր տարբեր նախարարությունների։
Bild-ի տեղեկատվության համաձայն՝ Սենատի վարչակազմը «հակասահմանադրական խմբի» վերաբերյալ կասկածների մասին դաշնային անվտանգության մարմիններին է հայտնել 2022 թվականի օգոստոսի վերջին։
