Թուրքիան ավարտին կհասցնի իր հարավային սահմանների երկայնքով 30 կիլոմետրանոց անվտանգության գոտու ստեղծումը՝ հայտարարել է Թուրքիայի նախագահ Ռեջեփ Էրդողանը:
«Մենք թույլ չենք տա ահաբեկչական միջանցք ստեղծել մեր սահմանների մոտ։ Մենք, անշուշտ, կավարտենք 30 կիլոմետրանոց անվտանգության գոտու ստեղծումը մեր հարավային սահմանների երկայնքով: Ահաբեկիչների ոչ մի հարձակում, ոչ ոք մեզ չի ստիպի հրաժարվել այդ ծրագրերից»,- ասել է Թուրքիայի նախագահը:
Ավելի վաղ պաշտպանության նախարար Հուլուսի Աքարն ԱՄՆ-ին կոչ է արել ըմբռնումով վերաբերվել Սիրիայում Անկարայի հնարավոր ռազմական գործողությանը։ Հիշեցնենք, որ Վաշինգտոնը քննադատել էր Թուրքիայի իշխանություններին՝ ռազմական գործողությունների նախապատրաստվելու համար։
