ՀՀ տարածքային կառավարման և ենթակառուցվածքների նախարարությունից հայտնում են՝ Գնել Սանոսյանն ընդունել է Օդանավակայանների միջազգային խորհրդի եվրոպական տարածաշրջանի (ACI EUROPE) գլխավոր տնօրեն Օլիվիե Յանկովեցի գլխավորած պատվիրակությանը, որի կազմում էր նաև Հայաստանի միջազգային օդանավակայանների տնօրեն Մարսելո Վենդեին։
Հանդիպման ժամանակ քննարկվել է հայկական ավիացիոն շուկայի, «Զվարթնոց» միջազգային օդանավակայանի ընդլայնման, թողունակության ավելացման վերաբերյալ հարցեր։
Նախարարը նշել է, որ Հայաստանի ավիացիոն շուկան մեծ պոտենցիալ ունի, և որ միանշանակորեն պետք է ընդլայնել թե՛ օդանավակայանի հնարավորությունները և թե՛ դեպի օդանավակայան տանող ենթակառուցվածքները։
Օլիվիե Յանկովեցին իր հերթին ընդգծել է, որ Հայաստանի ավիացիոն շուկան մեծ ներուժ ունի, աճող շուկա է․ «Ավիացիոն ոլորտում Հայաստանը կարող ենք համարել հնարավորությունների երկիր»,- ասել է նա։
Քննարկվել են երկկողմ հետաքրքրություն ներկայացնող այլ հարցեր։
