ԱՄՆ պետքարտուղարությունը հաղորդագրություն է տարածել պետքարտուղար Էնթոնի Բլինքենի և Հայաստանի վարչապետ Նիկոլ Փաշինյանի հեռախոսազրույցի վերաբերյալ, որում Բլինքենն անհրաժեշտ է համարել, որ Ադրբեջանն ու Հայաստանը պահեն խաղաղ բանակցությունների թափը:
Հեռախոսազրույցից հետո ԱՄՆ պետքարտուղարը նաև նույնաբովանդակ գրառում է արել Թվիթերի իր միկրոբլոգում: «Ես վարչապետ Փաշինյանին կոչ եմ արել նոյեմբերի 7-ին Վաշինգտոնում արտգործնախարարների հանդիպումից հետո պահպանել Ադրբեջանի և Հայաստանի միջև խաղաղության բանակցությունների տեմպը: Միացյալ Նահանգները հավատարիմ է մնում այդ ջանքերին»,- գրել է Բլինքենը:
