ՀՀ առողջապահության նախարար Անահիտ Ավանեսյանը ԱԺ-ում լրագրողների հետ ճեպազրույցում հորդորեց քաղաքացիներին պատվաստվել գրիպի դեմ:
«Այս ենթաշտամները բավական ագրեսիվ են, քրոնիկ հիվանդություններով մարդկանց ու մանկահասակ երեխաների համար կարող են շատ ծանր հետևանքներ ունենալ: Եվս մեկ անգամ հորդորում եմ, խրախուսում եմ, որ մարդիկ դիմեն պոլիկլինիկա` պատվաստվելու գրիպի դեմ:
Կարևոր է, որ այս աշնանային ընթացքում, երբ սեզոնը դեռ նոր է մեկնարկում, ունենանք պաշտպանության շերտ»,- ասաց նախարարը:
Հիշեցնենք՝ գրիպի դեմ պատվաստումն անվճար է:
