Կիևի էներգետիկ ենթակառուցվածքի օբյեկտներում երեքշաբթի առավոտյան երեք պայթյուն է որոտացել՝ հայտնել է Ուկրաինայի նախագահի գրասենյակի ղեկավարի տեղակալ Կիրիլ Տիմոշենկոն։ Նրա խոսքով՝ էներգաապահովման օբյեկտին հարվածներ են հասցվել:
Կիևի քաղաքապետ Վիտալի Կլիչկոն, իր հերթին, հայտնել է, որ տուժել է մայրաքաղաքի Դեսնյանսկի շրջանում գտնվող կրիտիկական ենթակառուցվածքի օբյեկտը:
Ուկրաինայի Արտակարգ իրավիճակների պետական ծառայությունից քաղաքացիներին հորդորել են «տեղեկատվական լռություն» պահպանել:
