Մոսկվայի Բասմանի շրջանային դատարանը ձերբակալել է Ալեքսանդր Բիլինին, Օլեգ Անտիպովին և Դմիտրի Տյաժելիխինին, որոնք մեղադրվում են Ղրիմի կամրջի վրա վերջերս տեղի ունեցած ահաբեկչության գործով, ասվում է դատարանի մամուլի ծառայության տարածած հաղորդագրության մեջ։
«Մոսկվայի Բասմանի շրջանային դատարանը քննել է նախաքննական մարմինների դիմումները, ըստ որոնց՝ Ալեքսանդր Բիլինը, Օլեգ Անտիպովը և Դմիտրի Տյաժելիխինը, որոնք մեղադրվում են ահաբեկչական հանցագործություն կատարելու համար, որպես խափանման միջոց կկիրառվի կալանքը»,- ասված է հաղորդագրություն մեջ։ Հոկտեմբերի 8-ի առավոտյան Ղրիմի կամրջի վրա բեռանատարի պայթյունի հետևանքով գնացքի մի քանի վառելիքի բաք էր բռնկվել, զոհվել էր չորս մարդ, փլուզվել Ղրիմի թերակղզի տանող կամրջի ճանապարհի երկու բացվածք: Ռուսաստանի քննչական կոմիտեն ավելի վաղ հայտնել էր, որ բացահայտվել է ահաբեկչությանն անմիջականորեն առնչություն ունեցող 12 անձի ինքնությունը։ Սիմֆերոպոլի դատարանն ավելի վաղ ձերբակալել էր 5 կասկածյալի։
Հեղինակ՝ Կարեն Սիմոնյան
