Եվրամիությունը պատրաստվում է իր դիտորդական առաքելությունը տեղակայել Հայաստանում` հայ-ադրբեջանական սահմանի երկայնքով: Այս մասին ֆեյսբուքյան իր էջում գրել է Հայաստանում Ֆրանսիայի նախկին դեսպան Ջոնաթան Լաքոթը:
«1988 թ.-ից` հակամարտության սկզբից ի վեր առաջին անգամ Ֆրանսիայի և ԵՄ նախաձեռնությամբ տեղում կհաստատվի միջազգային ներկայություն: Այս առաքելության մասին հայտարարվել է Պրահայում տեղի ունեցած քառակողմ հանդիպման ավարտին»,- գրել է նա:
