Այսօր կեսօրին դանակով և հրազենով զինված անձը հարձակվել է Թաիլանդի մանկապարտեզներից մեկի վրա՝ սպանելով 38 մարդու, այդ թվում՝ 22 երեխայի: Վերադառնալով տուն՝ սպանել է նաև կնոջն ու երեխային, ապա ինքնասպան եղել:
Դեպքի ականատեսներից մեկն ասել է, որ հրաձգության ժամանակ հաստատությունում եղել է մոտ 30 երեխա:
Ոստիկանությունը պարզել է, որ հարձակում կատարած անձը 34-ամյա Պանյա Քամրաբն է՝ ոստիկանության նախկին սպա, որը պաշտոնանկ էր արվել հունիսին՝ թմրանյութ օգտագործելու համար, ապա դատապարտվել թմրանյութեր օգտագործելու մեղադրանքով:
