Սուրիոյ նահանգներուն մէջ կայացան տեղական ինքնակառավարման մարմիններու ընտրութիւնները: Հալէպի նահանգային և քաղաքային խորհուրդներու մէջ կը մրցէին եօթ հայ թեկնածուներ:
Մարալ Գալայջյան (Բերիո Հայոց թեմի ազգային վարչության անդամ)
Համայնքի ներկայացուցիչի պարտականութիւնն է ժողովուրդին դժուարութիւնները, մտահոգութիւնները ներկայացնել»:
Ընտրութիւններու արդիւնքով Հալէպի հայ թեկնածուներէն նահանգային խորհուրդի անդամ ընտրուեցաւ Սիմոն Պաղոս, իսկ քաղաքային խորհուրդի անդամ` իրաւաբան Լևոն Գահուէճեան: Նորընտիր երկու անդամները Պաաս կուսակցութեան ընտրական ազգային միասնականութեան ցուցակին մաս կը կազմէին:
Լևոն Գահվեջյան (Հալեպի Քաղաքային խորհրդի նորընտիր անդամ)
Այս մէկը ինծի համար բեռ մըն է, պաշտօն մըն է, որ ուսերուս դրուեցաւ, Աստուծմէ կը խնդրեմ, որ ուժ կարողութիւն տայ, որ այս բեռը շալկեմ, և իմ գաղութիս, Հալէպի ժողովուրդին, իմ կարողութեան սահմաններուն մէջ օժանդակութիւն բերել և քաղաքի վիճակը աւելի բարելաւել:
Հալէպի ապրած ծառայողական և տնտեսական դժուար պայմաններուն մէջ՝ նորընտիր ներկայացուցիչը խոստացաւ ջանք չխնայել իր համայնքի և քաղաքի բարելաւման աշխատանքներու իրագործման առնչութեամբ:
Լևոն Գահվեջյան - Կարելիութիւնները սահմանափակ ենք, բայց մեր ուժերուն համաձայն ես կը խոստանամ, որ պէտք եղածը և հաւանաբար պէտք եղածէն աւելի, կարողութիւններու համաձայն պէտք է, որ ամէն ինչ կարենանք ընել քաղաքին վիճակը բարելաւելու, գաղութիս վիճակը բարելաւելու: Նպատակս միմիայն ծառայել է, իմ գաղութիս և իմ քաղաքիս:
Համայնքի զաւակները նահանգային խորհուրդի և քաղաքապետարանի հայ ներկայացուցիչներէն ակնկալութիւններ ունին:
Արա ՄութաՖյան (Հայկական վարժարանի ուսուցիչ)
Ժողովուրդի ծառայողական խնդիրներով զբաղիլ, իրենց պետական գործերը դիւրացնել: Մանաւանդ այս պատերազմէն նոր ելած վիճակին մէջ աւելի մօտ ըլլալ ժողովուրդին:
Այսօրուան իրավիճակով Հալէպը ինչքան կարիք ունին բծախնդիր ու տքնաջան աշխատանքի, որպէսզի գէթ կարենայ թօթափել արհաւիրքի փոշին: Քաղաքի ամէն անկիւն տակաւին կը յուշէ նորաւարտ պատերազմի մասին:
Տիգրան Պետրոսյան (Ազգային պատգամավորական ժողովի անդամ)
Մենք այս վատ պայմաններուն մէջ հոս մնացած ենք, այս պայմաններուն մէջ անգամ մը եւս ընելիք ունինք: Այն ինչ որ ժողովուրդին տնտեսական վիճակը կրնայ բարելաւել և քաղաքը լաւ և գեղեցիկ ձևով ներկայացնել:
Սուրիոյ մէջ Տեղական Ինքնակառավարման մարմիններու ընտրութիւնները տեղի կ՛ունենան քառամեայ դրութեամբ: Սուրիոյ հայ համայնքը երկրի անկախացումէն ետք տարբեր նստաշրջաններու ունեցած է իր ներկայացուցիչները Հալէպի և այլ նահանգներուն մէջ:
Նորա Գրաջյան (Ընտրական շտաբի անդամ)
Մենք իբրև համայնք Սուրիոյ մէջ ամենամեծ և ամենազօրաւոր համայնքն ենք և մեր արդար իրաւունքն է մեր ներկայացուցիչները ունենանք: Քանի որ մեր բոլոր պարտաւորութիւնները լիուլի կը կատարենք սուրիական պետութեան հանդէպ հետևաբար ասի ալ մեր արդար իրաւունքն է: Ներկայացուցիչներուն պարտքն է համայնքի առօրեայ կենցաղային մտահոգութիւնները, մեր ձայնը հասցնեն քաղաքապետարան կամ նահանգապետարան:
Նշենք, որ հայ ներկայացուցիչներ ունեցաւ նաև հայաւան Քեսապը յանձինս` Վազգէն Չափարեանի, Վաչէ Աղպաշեանի, Յովսէփ Բենդէզեանի և Տարօն Քիւրքճեանի:
