Հայաստանում Ռուսաստանի արտակարգ և լիազոր դեսպան Սերգեյ Կոպիրկինը և դեսպանության ռազմական կցորդը Հայաստանի և Ռուսաստանի Զինված ուժերի միացյալ խմբավորման հրամանատարի հետ այցելել են Ջերմուկ և Գորիս:
Դեսպանության հաղորդմամբ՝ Դիվանագիտական ներկայացուցչության ղեկավարը հանդիպել է ՀՀ զորամիավորման հրամանատարության հետ, ծանոթացել Հայաստան-Ադրբեջան սահմանին տիրող իրավիճակին և սահմանային հատվածներում սեպտեմբերի 13-14-ի գնդակոծության պատճառած վնասներին:
Կոպիրկինն այցելել է նաև Գորիսում 102-րդ ռուսական ռազմաբազայի առանձին գումարտակային խմբի և Սիսիանում ռուսական խաղաղապահ անձնակազմի առանձին ավիացիոն խմբի տեղակայման վայրեր:
