Երևանի քաղաքապետի տեղակալ Տիգրան Ավինյանին ավագանու արտահերթ նիստում հարց ուղղեցին, թե որոնք են այն ուղղությունները, որոնք նա համակարգելու է:
«Դրանք հիմնականում հինգն են: Առաջին հերթին թաղապետարանների համակարգումն ու վերահսկումն է: Երկրորդը շինբարեկարգման բլոկն է, երրորդը՝ կանաչապատման, չորրորդը՝ մշակույթ, և, իհարկե, հաշվի առնելով իմ փորձը, նաև Կառավարության հետ աշխատանքը, իրականացվող խոշոր ծրագրերը, որտեղ, կարծում եմ, իմ ներդրումը դրական կլինի»,- ասաց Ավինյանը:
Ավինյանն իր խոսքում նշեց, որ պատրաստվում է ուղիղ շփումների միջոցով ակտիվորեն աշխատել ինչպես քաղաքացիների, այնպես էլ ավագանու անդամների հետ:
