Թուրքիայի արտաքին գործերի նախարար Մևլութ Չավուշօղլուն հայտարարել է, որ հունական և հայկական լոբբին դեմ է ԱՄՆ-ի կողմից Թուրքիային F-16-ների վաճառքին։
Այդ մասին արտգործնախարարը լրագրողներին ասել է Նյու Յորքում:
Չավուշօղլուն հավելել է, որ չնայած դրան, կան լոբբիներ, որոնք աջակցում են F-16-ի վաճառքին։ Նախարարն ընդգծել է, որ այդ ուղղությամբ բանակցությունները ներկայումս շարունակվում են, դրա համար թուրքական պատվիրակությունը Նյու Յորքից մեկնել է Վաշինգտոն։
