ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը Ֆեյսբուքում գրառում է արել և անդրադարձել Ազգային ժողովում Կառավարության հետ հարցուպատասխանի ժամանակ ՀՀ վարչապետ Նիկոլ Փաշինյանի՝ «թուղթ ստորագրելու» մասին հայտարարությանը և դրա շուրջ շահարկումներին:
«Ստորագրում ա ՜» ու կամ «Ի՞նչ ա ստորագրում, Աստված իմ» ողբերգական տողերը, որոնք նորից կրկնվում են կոնկրետ շրջանակներին սպասարկող շարքերում, ոչ այլ ինչ են, քան՝
1. մանիպուլյացիա։ Մոտ երկու ժամանոց խոսակցությունից մեկ րոպեանոց կտրված կտորի հիման վրա, որտեղ ոչ թե ասվում է, թե ինչ-որ պատրաստի բան կա, որի տակ ստորագրում ենք, այլ որ կա մի բանի մասին խոսակցություն, որի տակ չենք ստորագրում, որովհետև դա հստակ չէ և ռիսկեր է պարունակում, և որ պատրաստ ենք ստորագրել մի բանի տակ, որը Հայաստանի համար կբերի ՀՍՏԱԿ խաղաղություն և տարածքային ամբողջականության պահպանում։
2. Սրիկայություն ու երեսպաշտություն։ Որովհետև չի կարելի ծաղրել խաղաղության անհրաժեշտությունից խոսողներին, հետո ասել ՝«կանգնեցրեք այս կռիվը, մարդիկ են զոհվում», հետո էլ էլի խաղաղության մասին լսելուց ասել. «էդ ի՞նչ եք ստորագրում, այ սրիկաներ»։
3. Հասարակ գործակալական աշխատանք, որը կատարում են հստակ շրջանակներ, և որին աջակցում են որոշ «օգտակար ապուշներ»։
Խնդրում եմ այս տեքստը հասցնել հնարավորինս շատ մարդկանց։
Հ.Գ. Հատուկ շնորհակալություն բոլոր նրանց, ովքեր բավականաչափ խելք ունեն ամեն մի գործակալի տված նարատիվը չուտելու և 2 ժամանոց խոսակցությունից մեկ րոպեանոց կտորով հիստերիա չկապելու համար»։
;
