Մարդիկ փոխում են բնակության վայրը ավելի լավ կյանքի համար, բայց ոչ միշտ են այն գտնում հայրենիքի սահմաններից դուրս: Հայաստանից հեռացողներին զարգացած երկրներում հիմա ավելի դժվարությամբ են ընդունում: Միջազգային զեկույցներում արձանագրում են, որ երկրում բռնաճնշումներ, հետապնդումներ չկան, հետևաբար ապաստան տրամադրելու անհրաժեշտություն էլ չկա:
Այսպիսով, լավ կյանքի հետևից գնացած մեր հայրենակիցների մի մասը բախվում է բոլորովին այլ, իրենց համար անսպասելի իրականության և ստիպված վերադառնում տուն: Նրանց համար պետությունն աջակցության ծրագրեր է մշակել:
