17 անուն 153 երաժշտական գործիք՝ համայնքային արտադպրոցական հաստատություններին: 2022 թ. Երևանի համայնքային բյուջեից շուրջ 70 մլն դրամ է հատկացվել:
Երևանի քաղաքապետարանի հայտարարած մրցույթում հաղթող ճանաչված կազմակերպությունները սպասված գույքը հանձնում են մշակութային օջախներին: Երաժշտական ու արվեստի դպրոցների մանկավարժների ու սաների հետ միասին հանդիսավոր արարողությանը մասնակցել են նաև Երևանի քաղաքապետ Հրաչյա Սարգսյանն ու քաղաքապետի առաջին տեղակալ Լևոն Հովհաննիսյանը:
Ներկայացնելով ծրագրի ընթացքը՝ Երևանի քաղաքապետարանի մշակույթի և տուրիզմի վարչության պետ Գոշ Սարգսյանը նշել է, որ համայնքը նախանշում է ավելացնել այդ նպատակին ուղղված միջոցները՝ բյուջեն հասցնելով շուրջ 100 մլն դրամի:
Արտադպրոցական կրթության հասանելիության և մատչելիության ապահովմանն ուղղված այս ծրագիրն ունի նաև սոցիալական կարևոր բաղադրիչ. երբեմն՝ բազմաթիվ օժտված երեխաներ գեղարվեստական կրթության համակարգից դուրս են մնում` երաժշտական գործիքներ ձեռք բերելու համար բավարար միջոցներ չունենալու պատճառով:
Քաղաքապետ Հրաչյա Սարգսյանը համոզմունք է հայտնել, որ նախաձեռնվող ծրագրերի շնորհիվ մշակութային օջախների տաղանդաշատ սաները, ստանալով լիարժեք կրթություն, հայաստանյան ու միջազգային մրցույթներում և փառատոներում կշարունակեն բարձր պահել մեր երկրի ու քաղաքամայր Երևանի պատիվը:
Երաժշտական նոր գործիքների տրամադրման ծրագրում ընդգրկված են համայնքային բոլոր՝ 24 երաժշտական և արվեստի դպրոցները:
