Եղիսաբեթ Երկրորդ թագուհին ընդունել է Մեծ Բրիտանիայի վարչապետ Բորիս Ջոնսոնի հրաժարականը՝ հայտնում է Reuters-ը՝ հղում անելով Բուքինգհեմյան պալատին։
Երեքշաբթի առավոտյան վարչապետի պաշտոնում իր վերջին ելույթն ունենալուց հետո Ջոնսոնը գնացել է Եղիսաբեթ II թագուհու՝ շոտլանդական Բալմորալ ամրոցի նստավայրը:
Ջոնսոնից հետո թագուհուն է այցելել նախօրեին ընտրված՝ իշխող Պահպանողական կուսակցության ղեկավար Լիզ Թրասը։ Էլիսաբեթ II-ը հաստատել է նրան որպես վարչապետ, որից հետո Թրասը հանդես կգա այդ պաշտոնում իր առաջին ելույթով ու կսկսի ձևավորել նոր կառավարությունը։
Թրասը դարձավ թագուհու նշանակած 15-րդ վարչապետը, Մեծ Բրիտանիայի պատմության մեջ երրորդ կինը, որը զբաղեցնում է այդ պաշտոնը, և առաջին վարչապետը, որին թագուհին հաստատեց Շոտլանդիայում, այլ ոչ թե Բուքինգհեմյան պալատում, ինչպես դա պահանջում է ավանդույթը:
