2022 թվականի պետություն-համայնք համաֆինանսավորման սուբվենցիոն ծրագրի շրջանակում մեկնարկել են Մեծամոր միավորված համայնքի Մեծամոր քաղաքի 1-ին թաղամասի 13ա և 27 բազմաբնակարան շենքերի տանիքների հիմնանորոգման աշխատանքները:
Ծրագիրն իրականացվում է եռակողմ՝ պետություն-համայնք-բնակիչներ համաֆինանսավորմամբ: Պետության մասնակցությունը 35% է, համայնքինը՝ 55%, իսկ բնակչությանը՝ 10%: Ծրագրի պայմանագրային արժեքը կազմում է 68.3 մլն դրամ:
Իրականացվող աշխատանքների արդյունքում կկառուցվեն նոր տանիքներ՝ 1833 ք.մ ընդհանուր մակերեսով:
Ծրագրի շահառուների թիվը 338 է:
Շինաշխատանքներն իրականացնում է «Սյունիք» ՍՊԸ-ն, տեխնիկական հսկողությունը՝ «ՆՈՕՆԱ» ՍՊԸ-ն:
Հավելենք, որ 2022 թվականի համար Մեծամոր համայնքում Կառավարության կողմից հավանության է արժանացել ևս 6 ծրագիր, այդ թվում՝
• Մեծամոր քաղաքի թիվ 2 մանկապարտեզի հիմնանորոգում և հարակից տարածքների բարեկարգում.
• Մեծամոր քաղաքի թիվ 3 մանկապարտեզի հիմնանորոգում և հարակից տարածքների բարեկարգում.
• Մեծամոր քաղաքի խմելու ջրամատակարարման ցանցի կառուցում.
• Մեծամոր համայնքի նախկին պոլիկլինիկայի շենքը Մեծամորի համայնքապետարանի վարչական շենք դարձնելու նպատակով վերանորոգման աշխատանքներ.
• Մեծամորի մշակույթի տան վերանորոգում.
• Մեծամոր քաղաքի 1-ին թաղամասի 4Բ1, 6Բ1, 8Բ1, 8Բ2 և 2Բ շենքերի վերելակների փոխարինում:
