Օգոստոսի 30-ին Հայաստանի Հանրապետության պետական իշխանության ներկայացուցիչները և Հայկական ԱԷԿ-ի ղեկավարությունը այցելել են Կուրսկի ԱԷԿ-2 շինհրապարակ։ Պատվիրակությունը գլխավորում էր տարածքային կառավարման և ենթակառուցվածքների նախարար Գնել Սանոսյանը։
Կուրսկի ԱԷԿ-2-ում տեխնիկական շրջայցի նպատակը ատոմակայանների կառուցման ռուսական առաջադեմ տեխնոլոգիաներին ու ВВЭР-ТОИ-ի տեխնիկական լուծմանը ծանոթանալն է։
Պատվիրակության անդամներն ուսումնասիրեցին Կուրսկի ԱԷԿ-2-ի շինհրապարակը. այցելեցին ռեակտորի շենք, տուրբինային մասնաշենք, դիտեցին գոլորշիացնող հովացման աշտարակները, այցելեցին զրահապատ մետաղական բլոկների արտադրության արտադրամաս և Կուրսկի ԱԷԿ-2 դիտահրապարակ:
Պատվիրակությանը դիմավորել է Կուրսկի ԱԷԿ-ի տնօրեն Ալեքսանդր Ուվակինը։ Ողջունելով Հայաստանից շամանած գործընկերներին, նա նշեց. «Կուրսկի ԱԷԿ-2-ում ВВЭР-ТОИ էներգաբլոկների կառուցումը ռազմավարական նշանակություն ունի միջուկային արդյունաբերության համար։ Յուրաքանչյուր նոր էներգաբլոկի հզորությունը գերազանցում է Ռուսաստանում գործող ցանկացած նոր էներգաբլոկի հզորությունը և կազմում է 1255 ՄՎտ։ Կուրսկի ԱԷԿ-2-ի գործարկումը կապահովի Կենտրոնական դաշնային շրջանի էներգետիկ անվտանգությունը, որի կազմում է ավելի քան 39 միլիոն մարդ»։
Հայկական պատվիրակության ղեկավար, ՀՀ տարածքային կառավարման և ենթակառուցվածքների նախարար Գնել Սանոսյանը շնորհակալություն է հայտնել «Ռոսատոմ» պետկորպորացիայի ներկայացուցիչներին` կառուցվող Կուրսկ ԱԷԿ-2-ի շինհրապարակ այցելելու հնարավորության համար․ «Հայաստանի համար, որն ատոմային էներգիան համարում է էներգետիկ արդյունաբերության զարգացման առաջնահերթ ոլորտներից մեկը, շատ կարևոր է ծանոթանալ ժամանակակից տեխնոլոգիաներին ու լուծումներին, և մենք երախտապարտ ենք, որ միջուկային արդյունաբերության համաշխարհային առաջատար Ռոսատոմը մեզ համար շրջայց կազմակերպեց տեսարժան վայրերով, որի ընթացքում մենք հանդիպեցինք կառուցողական ու հայեցակարգային լուծումների, այնպիսի բեկումնային նախագծի համար, ինչպիսին ВВЭР-ТОИ-ն է»:
Տեխնիկական շրջայցի ընթացքում տրամադրված տեղեկատվությունը հատկապես հետաքրքիր է և օգտակար հայկական կողմի համար, քանի որ «Մինչև 2040 թվականը Հայաստանի էներգետիկայի ոլորտի զարգացման պետական ռազմավարական ծրագրով» նախատեսվում է ատոմային էներգետիկայի նոր օբյեկտի կառուցում, որը կփոխարինի Հայկական ԱԷԿ-ի ներկայիս գործող էներգաբլոկը։
Տեղեկանք
Կուրսկի ԱԷԿ-2-ի 1-ին և 2-րդ էներգաբլոկների կառուցումն իրականացվում է «Սարքավորումների, տեխնոլոգիաների և գիտական հետազոտությունների զարգացում» ինտեգրված ծրագրի «Ատոմակայանների տեղեկատու էներգաբլոկների նախագծում ու կառուցում» դաշնային նախագծի շրջանակում: Ռուսաստանի Դաշնությունում ատոմային էներգիայի օգտագործման ոլորտում մինչև 2024թ.։
ВВЭР-ТОИ-ն ջրի տիպային օպտիմիզացված ինֆորմատիզացված 3+ սերնդի ստանդարտ էներգետիկ ռեակտոր է: Յուրաքանչյուր էներգաբլոկ նախատեսված է 60 տարվա ծառայության ժամկետի համար (շահագործման ժամկետը մինչև 100 տարի երկարաձգելու հնարավորությամբ):
