Եվրամիության անդամ 13 պետություն ներկայումս ամբողջությամբ կամ մասնակիորեն կտրված են ռուսական գազի մատակարարումներից: Այս մասին հայտնել է Եվրահանձնաժողովի՝ էներգետիկայի հարցերով տնօրինության ղեկավարի տեղակալը:
Նրա խոսքով՝ մատակարարումների խափանումների վտանգը շատ մեծ է և հետզհետե ավելանում է:
Միևնույն ժամանակ, ICE լոնդոնյան բորսայի տվյալները և ռուսական ТАСС գործակալության հաշվարկները վկայում են, որ Եվրոպայում գազի գինն ամռան ընթացքում աճել է գրեթե երեք անգամ՝ հազար խորանարդ մետրի դիմաց հասնելով մոտ 2500 դոլարի: Աճի հիմնական պատճառներից մեկը Ռուսաստանից «Հյուսիսային հոսքով» գազի մատակարարումների զգալի անկումն է։
Հուլիսի 27-ից գազամուղը գործարկվել է առավելագույն հզորության միայն 20 %-ով՝ մի քանի գազային տուրբինների աշխատանքի դադարեցման պատճառով։
